新加坡: Forest Walk & Henderson Waves

我首先要申報，這篇文章是來自黃大少的這篇，但我另外有再加其他東西啦！


新加坡的自然景色雖比不上香港的山水，但她有很多富有特色而且適合一家大細的公園。ForestWalk 和 Henderson Waves 為其中最受當地人歡迎。

Forest Walks 的起點在 Alexandra Road。 這條鐵橋穿梭樹頂，有五六層樓那麼高，所以我第一次行走時都不敢向下望！這道橋的其中一段叫 Canopy Walk，就是走在樹林冠層的意思。Canopy...是 N 年前 Geography 堂學的 term 令我即時想起現在教地理的 friend，應該要提議她來行一行，影相當教材！

行這條橋時，好多時會遇到猴子。有次我跟黃大少在行時，便有幾隻伴著我們一路行，真的是又有趣，又心驚！上面的那張相我覺得好搞笑，好似鬧仔咁：「你睇你！食到天一半地一半！」

遊覽完 Henderson Waves 後，你可以到橋下坐巴士離開。「唔夠喉」的可以跟住指示走到花柏山 (Mt. Faber)。山頂上有纜車往聖淘沙 (Sentosa)。映完幾張「到此一遊」相後，沿山路走多五分鐘就到 HarbourFront MRT。肚餓了，可以去 MRT 站連住的 Vivo City 食飯，之後再 shopping !

這條路徑全長只不過是兩三公里，走起來比香港任何一條遠足路徑都要輕鬆。在 Henderson Waves 和 Mt. Faber 上可用不同角度欣賞新加坡，絕對值得一試！

小貼士：新加坡中午一般都很熱，所以最好揀一朝早去行，或者下午五、六點先行。