白汁煙肉意粉

昨天黃大少問我：「如果我搵到份工，夠我地兩個洗，你會唔會考慮唔做呀？」
「點解咁問呀？」
「因為而家好正，放工返到屋企就有飯食，又唔駛做家務！」
「梗係啦，而家我做哂呀嘛！」
「咁又唔好講到我係大食懶咁，我都有返工架嘛...」

咁又係，返工是辛苦的，那我就煮餐好嘅過你食啦！（今日下午其實掛住看電視，臨急臨忙才做這個意粉...不過簡單得來依然好味！）

做法：
1）意粉照包裝上說明煮熟。
2）熱鑊下油炒煙肉，半熟時下意粉一起炒。
3）加白汁（一隻蛋、差不多份量的whipping cream 和少許芝士，拌勻），可加點鹽調味。
4） 上碟時灑點黑椒和鬼佬莞茜Parseley，不過我冇，所以用了正宗大陸莞茜 ！